வாழ்க்கை என்பது சில்லென்று ஒரு காதல் என்று முடிவதில்லை. கண்ணை;பறிக்கும் மலர்த்தோட்டம், அது தனிக்கூட்டம் அன்பு, பண்பு அறன் என்பவற்றை உடைய அரசாங்கம் இங்கே வீசுகின்ற தென்றாலும் சில்லென்ற குளிரோடைகளும், மலை முகடும் அலை கடலும், பச்சைபசேல் வெளியும் உறவாட என்றல்ல. பேசும் மழலைத்தேனீக்களின் ரீங்காரமும் உலகம் மறக்கச் செய்யும், தென்றல் பரிசுமும், சிரித்தும், மகிழ்ந்தும் வாழ்வது……
இவ்வாறாக வாழ்க்கைக்கு புகைத்தல் பேரிடியை உண்டு பண்ணுகிறது அண்மைக்கால ஆய்வுக்கற்கைகளில் புகைத்தலால் ஆண் மலட்டுத்தன்மை தொடக்கம் உடலுறவில் ஈடுபட முடியாமை வரை ஏற்படுகின்றது.
சிகரெட் புகையில் வெளிவரும் நிக்கோட்டின் ஆண்களின் விந்து உற்பத்தியில் பாதிப்பை உண்டு பண்ணுகிறது. இதனால் விந்தின் அசையும் தரவு குறைவடைதல் மற்றும் விந்தணுக்களின் எண்ணிக்கைக் குறைவு. இதனூடு கருக்கட்டலை ஏற்படுத்துவதற்கான சந்தர்ப்பம் குறைவடைகிறது. மற்றும் விந்தணுக்களின் உருவ அமைப்பிலும் பல குறைபாடுகள் ஏற்படுகின்றன. இதன் விளைவாக வினைத்திறன் குறைந்த விந்தணுக்கனே உற்பத்தியாகின்றன. இவற்றினால் கருக்கட்டும் தரவு மேலும் குறைகின்றது.
இவ்வாறே கரு உருவாக்கத்தில் வினைத்திறன் குறைந்த விந்துகளால் பாதிப்பை புகைத்தல் உண்டுகின்றது. இது ஆண்களில் இவ்வாறிருக்க பெண்களில் கருக்கட்டல், உட்பதித்தல் என்பனவும் பாதிப்புறுகின்றன. இவற்றுடன் சுயாதீனமாக கருக்கலப்பு நிகழவும் புகைத்தல் காரணமாகிறது. இங்கு எமது சூழலில் பெண்கள் புகைப்பது குறைவு என்றாலும் புகையை சுவாசிக்கும் சந்தர்ப்பம் குறைவு என்று கூற முடியாது. இவ்வாறு கருவளத்தை ஆண் பெண் இருவரிலும் புகைத்தல் பாதிக்கின்றது.
இதைவிட புகைத்தலால் உருவாகும் நிக்கோட்டின் பற்றி கேள்விப்பட்டிருப்பீர்கள் இதனால் இரத்தக் குழாய்கள் பாதிப்புறுவது பற்றி அறிந்திருப்பீர்கள்.
புகைத்தலால் மாரடைப்பு ஏற்படுதல் பற்றி நன்கு கேள்விப்பட்டிருப்பீர்கள் இது போன்றே புகைத்தலால் இளவயதில் பாரிசபாதம் ஏற்படவும் வாய்ப்புக்கள் அதிகம் என்றும் அறிந்திருப்பீர்கள். இதைவிட ஆண்களில் உடலுறவில் ஈடுபட முடியாத நிலை ஏற்படுவதற்கும் இதே வகையான பொறிமுறையூடு நிக்கோட்டின் தொழிற்படுகிறது. புகைப்பழக்கம் இல்லாத ஒரு மனிதரில் இரத்தகுழாயில் கொலஸ்ரோல் படிதல் நிகழ்வது மிகமிக குறைந்த வேகத்தில் அதாவது கிட்டத்தட்ட அவனது ஆயள்காலத்தின் முக்கால் பங்கை கடந்துவிட்ட நிலையிலேயே இரத்தக்குழாய் கொலஸ்ரோல் முற்றாக நிரம்புகிறது.
இதை இன்னும் சுலபமாக விளக்கிக்கொள்ள நீர்க்குழாய்களில் உட்பகுதியில் கல்சியப்படிவுகள் காணப்படும் அவை முற்றாக குழாயை அடைப்பதில்லை குழாயின் உள்பரப்பில் படிகின்றன இதனால் குழாயின் உள்விட்டம் குறைவடைகின்றது இவ்வாறே குருதிக்குழாயில் கொலஸ்ரோல் படிவதும் அமைகின்றது. இதன் படிவுவேகத்தை புகைத்தல் மேலும் மேலும் அதிகரிக்கின்றது.
இந்நிகழ்வு மூளையில், இதயத்தில் இரத்தக்குழாய் அடைக்கப்பட்டு குருதி வினியோகம் தடைப்பட்டே பாரிசவாதம், மாரடைப்பு ஏற்படுகின்றது. ஆனால் இப்பொறி முறையால் ஆண்களில் இலிங்க உறுப்பிற்கு இரத்தம் வழங்கும் குழாய்களிலும் கொலஸ்ரோல் படிவுகள் ஏற்படுவதால் இரத்ததின் பாய்ச்சுகை குறைக்கப்படும்.
இதயத்தில் மரடைப்பு அல்லது மூளையில் பாரிசவாதம் என்பன இரத்தக்குழாய் முற்று முழுதாக அடைக்கப்டும் போது ஏற்படும் என்று கூறலாம். ஆனால் ஆண் உறுப்பின் விறைப்புத்தன்மையானது இரத்தக்குழாயின் உள்விட்டம் குறைவால் இரத்தப்பாய்ச்சுகையின் அளவுக் குறைவுடன் பாதிக்கப்படுகின்றது.
இதைவிட நிக்கோட்டின் மூளையை தூண்டுவதால் ஆண் இலிங்க உறுப்பின் தசைகள் சுரங்குகின்றன. இவற்றுடன் புகைத்தலால் இரத்தகுழாய்களின் வால்பு பொறிமுறையும் பாதிப்புறுகின்றது. இதனால் ஓர் ஆணினால் பாலியல் செயற்பாடுகளை மேற்கொள்ள முடியாது போகின்றது. இந்நிலையினை உளவியல் ரீதியாக நோக்கின் இதன் ஊடு மன உளைச்சல் ஏற்படுகின்றது. இவ்மன உளைச்சலானது அம்மனிதனின் மேற்படி பாலியல் செயற்பாட்டை மிகவும் மோசமாக பாதிக்கின்றது. இவ்வாறு ஒரு விசவட்டத்துள் நகர்கின்றது இல்லறம் ……
இவ்வாறான நிலையை உண்டு பண்ணும் புகை இளைஞர் மத்தியில் நண்பனாக நடிக்கும் மோசமான துரோகி என்றே கூறலாம்.